數天前跟舅父母到醫院探望另一親友，又令我勾起了不少住院回憶，就讓我這個十下十下的美魔女跟大家分享一下吧。
**住院期間，見得最多當然是醫生、護士和病人，「鬼」反而未見過，時常聽聞在醫院很容易撞到「靈」的呢！
**我住的醫院分東、南、北座，到現在都有點懷疑...點解無「西」？莫非跟中國人有關，真的怕邪？
**住私家醫院原來要自備睡衣拖鞋，第一次入院唔識，一件面衫都無帶，只帶牙刷、毛巾底衫褲，反而牙刷毛巾梳套裝醫院有提供，睡衣拖鞋可向醫院借用，但乜都要計錢。
**因發燒，人生第一次入住單人房作隔離，病房成間酒店房咁大，有梳化書檯大電視，用品一應俱全，大鄉理出城，哈哈，數日後轉去大房等報告，即時感覺天堂與地獄。
**剃頭後，入院總會戴著假髮，到下午通常已經換掉帽子，假髮需是Tailor made，但吊針睡著時一樣會走位，好樣衰，哈哈，後來夏天更加只用頭巾包著就出門，豁出去，算了。
**入院除了治病，其實入去做body check的都唔少，而見得最多的是做照腸檢驗的病人，醫院會提供一大樽瀉水物體給病人作全日飲用， 實行要你痾到一鋪清。而到半夜，就會不停聽到有人騰出騰入去廁所和無數響亮的沖廁聲，都幾影響同房病人~~~ 不過小妹都唔弱，嘔足一晚，一樣令到大家瞓唔到，借呢度講聲，如果當年遇著和我同房的，就講聲唔好意思喇。
**以前通常安排一間病房做一位化療（至少3年前覺得係咁），現在發現一房至少有兩位化療病人，可以話患癌的比率真係高咗好多。
**住醫期間，認識了數位病友，現在有些間中也有聯絡啊。
**病人家屬可要求留院陪伴，醫院會安排加床，係椅子摺床，但見到就知一定唔好瞓，而到第二朝七點姨姨嬸嬸就會morning call (收床)~~
**北座8樓的護士特別靚，妝容考究，老公同妹妹都認同，可能跟貴價病房有關。
**北座最新最靚最好住，南座都可以，東座主樓比較舊，唔想被編排到。
**那時東座某層有一個病房長期住著一位老人家，她的家人請了一位私家看護給她照料，看護長期開著DVD大戲給老人家 ”聽”，音量開到鬼咁大，但跟本不知那老人家有沒有反應，但聲浪極影響其他同房病人，部份病友如我都好怕分流到呢間房間，但如果全院爆滿，又真係只得這病房的老人家旁有床位，”啤”一聲。
**早期入院作全身麻醉做〝活片細胞化驗手術〞，入院前一晚油到指甲靚靚 (還要是黑色的，哈哈)，去到樓層護士室作登記，給護士讚美：啲指甲油得好靚喎，一震俾 d 嘢你抹晒佢~~~ (T_T)
**當醫護人員將我推進手術室，環望手術室四周，冷冰冰的，感覺自己恰似像在待宰割的「豬」。
**手術開始前，麻醉師跟我講：王小姐，宜家俾麻醉藥你聞，我數123你就會瞓著。心諗係咪咁勁呀，自己心中準備跟她數著，之後她說1...2................王小姐！王小姐！手術做完喇，宜家推返你上房~~~到現在，呢個情景還是很深刻清楚，好搞笑!
**於中西電視劇集內，醫護人員都會將做完手術的病人送回病房，然後合力將病人移回病床上，但自己多次眼見和親身經歷，醫護人員會將手術推床泊在病床邊，叫病人自己用pat pat一下一下吉回床上，現實好似和電視劇完全不同！
**第一次做抽骨髓小手術，非常害怕，聽聞極之痛楚，醫生好權威的同我講，抽骨髓通常要抽兩邊，我抽一邊就足夠，終於真係一次搞掂，醫生你好嘢，之後那位置只酸痛了兩三日。
**抽出的骨髓，就像一支縫衣針的幼度，不同的只是白色。為什麼要抽骨髓？因為我的Pet Scan片子脊骨像Uptake了(著了燈)，要抽骨髓化驗，診斷究竟是患了淋巴癌一期還是四期，上天保佑，係一期。
**在醫院最唔習慣的，是要自己買飯餐，三餐都可向護士代安排落叫order叫醫院飯堂送外賣。已經唔想食，仲要自己諗，對我呢個懶人來講確係慘況。
**當年出院一定用信用咭找數，最開心係後來發現儲了幾十萬積分可以換禮品，開心死，我係人個好容易開心嘅人，哈哈。
以上記趣只記得那麼多~~~有點無謂，不過真係要讚美一下醫院的護士小姐們，護士這份工都算係嫌惡性工作，眼見她們無論遇到多穢的場面，都是面帶笑容和好溫柔的面對，令病人如我，就算場面多尷尬，她們都會令病人感覺良好舒服，多謝晒。
Mrsfancy Love Life 網頁之文章及相片內容，在未經 (本人Mrsfancy) 同意下，作出抄襲、複製及作為其他商業用途，如有發現定必以法律責任追究，敬請自重。
沒有留言:
發佈留言