生活點滴_原來真係唔容易 GEG0094

2014.08.06 GEG0094

唔經唔覺已經寫Blog半年，由初期拿手唔成勢到現在有板有眼，原來真係唔容易。

近期都有不同友人跟我講，估唔到你啲文章又幾順暢，有紋有路，老公亦有同感。

上載任何一篇文章我都會給老公過目，他亦估計不到我可以那麼堅持，老公說：你的文章的確比前進步，果然真係睇得書多喎~~哈哈哈....

自從寫Blog後，開始閱讀更多不同類型書本、散文，報章上的文章更加唔會放過，而網上不同類型的文章也多的是，多觀摩，從而參考人家的寫作手法，希望能為自己建立一個屬於Mrsfancy嘅Style。

何謂屬於Mrsfancy的Style？

可能係文字上，亦可能係內容方向或版面設計方面，只要讀者看一眼就知係Mrsfancy，其實我都未算太肯定，還在摸索中。

可幸自己有一門專長是做設計，由文字到設計圖片都可以自家一腳踢搞掂，算是比其他寫blog的朋友來得輕鬆，版面亦算豐富。

我要做Blogger

籌備開Blog初期詢問了表妹意見(她是雜誌設計師)，除了講解自己的構思意念外，她亦提議我可加入分享扮靚護膚和烹煮健康餐元素，我也希望能夠多元化一點，至少不至於沉悶，最終在有勇無謀下，膽粗粗先開了Facebook專頁見步行步。

早期以文字為主，分享自己患病前後的心路歷程，那時曾一度害怕有太多文字而令人煩嫌，當時老公也說：咁多字，邊樹有人睇.....但心諗，寫經歷係咁o架啦，一定字多，最多咪加張圖或相片平衡一下，幸而得一位有寫Blog經驗的師姐指引，才釋懷過渡。

後來為了方便讀者搜尋早期文章，亦建立了一個Blog位置，讓讀者能翻看早期的文章和一些食療篇幅，Facebook專頁始終有限制，唔太方便。現在蠻OK啊，各方面總算得心應手，有自己的點滴文章、有喜愛的烹煮篇幅和防癌食品介紹，歷程篇幅可能是會少了，但也可算是豐富，有自己的STYLE啊。

其實自己亦有個如表妹的提議想法，希望稍後能加入分享扮靚護膚心得 (我早前也介紹過自家美甲)，話晒自己都是個有點扮靚經驗的美魔女，女人始終是「女為悅己者容」啊，可是現在已經有太多美容Blogger，而我又不是Expert，市面上亦有太多不同種類美容產品，一個普通潮師奶如我，怎可能樣樣買下來試用，但如果有Sponsors我化妝護膚產品，我也不介意作推介分享啊，哈哈哈，發緊夢.......。

總括來說，寫Blog已實現了我其中一個夢想，只要默默去做，總會有成功的一日。

自己最喜愛的一個Cover page，開心愉快嘅心情是發自內心的，怎也裝不了。

Mrsfancy Love Life 網頁之文章及相片內容，在未經 (本人Mrsfancy) 同意下，作出抄襲、複製及作為其他商業用途，如有發現定必以法律責任追究，敬請自重。