勇氣改變命運 GEG0102

2014.08.25 GEG0102

終於得閒睇下呢個極具爭議性嘅節目「沒女大翻身」，節目入面只有一位主角吸引我，係「阿銀」。改變後嘅阿銀仍有點娘，撇除外貌，是她的毅力和堅強吸引我，這是一般香港女性所缺乏的。

人需要作出改變，當你卡喺某一位置，唔上唔落，又自怨自艾，人生就仿如進入了冰河時期，漫無目標、無方向，如同行屍走肉一樣。

當然阿銀是全靠電視台的龐大專業團隊所支持，導師、形象等都屬頂級；但實際上，一個普通人又怎可能負擔得起如此的團隊去為自己變身改造呢，她只是天時地利的幸運兒。

我佩服阿銀嘅堅強毅力，喜歡她努力向上，願意吸收新知識，接受新事物，願意思想上脫貧，有理想，行為主動更係重要因素；比如說，假若她唔肯厚住面皮行出第一步，無準備好接受日後給評頭品足嘅心理質數，今日嘅結果又未必會一樣。

勇氣改變命運

有謂「姿色改變命運」、「智識更能改變命運」，其實「勇氣」都可以，改變係堅持，只視乎閣下肯唔肯付出，為自己溶冰。

給自己一個機會

一般香港女性食慣嘆慣，不思進取，做事得過且過，以為身邊人總要遷就自己，當失意、失戀時，就似是被世界所拖欠，所發出的負面情緒更為身邊人帶來震撼；其實失意、失戀過後，更是一大機會給妳去認識自己，俾自己一個改進空間。

公主病

我相信呢個病，到時到候係會自動醒覺、減退痊癒的。但如果一個女人，人到中年仍然有公主病，應該說已轉化成「撐雞」，又如果我係男人，我都情願選擇對住個有公主病嘅年輕女子，未必會忍一世。

女人當自強，不是要妳去撐起半邊天，叫妳做林鄭咩！

女人可以有自己工作事業，有自己思想，自信，適當時獨立，時而依人，須要堅強，敢愛敢恨，是否外剛內柔、或是外柔內剛都唔重要，性格影響行為，行為可以影響你一生，拿出勇氣求變，唔踏出，永遠只有原地踏步。

創造自己的BEFORE & AFTER，機會永遠喺有決心的人手中。


Mrsfancy Love Life 網頁之文章及相片內容，在未經 (本人Mrsfancy) 同意下，作出抄襲、複製及作為其他商業用途，如有發現定必以法律責任追究，敬請自重。