生活點滴_鳩嗚_購物 GEG0116

2014.11.28 GEG0116

因佔旺驅散事件，【鳩嗚】呢個我以為係粗口嘅詞彙，又再密集式將我FB洗版。仲有埋民間特首劉生嘅改篇歌曲添 WOW~~

往網上翻查，【鳩嗚】呢個潮詞原來來自一位曾經來港參加遊行嘅國內姐姐，記者訪問她來做甚麼？她答了：「鳩嗚」，即廣東話「購物」。一邊遊行，一邊鳩嗚，除咗可以促進香港經濟繁榮之外，仲可以了解香港地道文化，一舉兩得，好過來港打3個月嘅工作假期。而「鳩」字因發音與一廣東粗口諧音相似，所以唔少人都用了這個詞作代替。

以下資料來源一則，撮自互聯網絡：

【鳩】音「kau」。「鳩」是一種雀鳥，最常見有班鳩、山鳩等種類。「斑鳩」主要分佈在非洲，少數種類住亞洲南部熱帶。在雀鳥界入面，「喜鵲」和「斑鳩」體形大小相近，喜鵲善於築建堅固雀巢，而斑鳩天性笨拙不懂築巢，所以就要強佔別人的雀巢給自己使用，據說只有喜鵲巢才可以容得下斑鳩這種鳥類。

近年來香港時有聽聞【逆權侵佔】事件，而【鵲巢鳩佔】，就巧合貼切地比喻為強佔他人房舍或土地的成語。

【嗚】音污「wu」 。從口中發出的聲音，悲歎聲。「象聲詞」：1) 形容汽笛(嗚嗚)地響。2)她(嗚嗚)地哭。3)形容風似的(嗚嗚)聲，像是形容淒厲鬼夜哭的聲音。還有「一命嗚呼」等詞語 。

無聊地抽夠水份。

Anyway！

你今日鳩嗚咗未？

我呢個平時唔多認同政府所為嘅師奶，今日都響應咗請多啲去旺角「鳩嗚」嘅呼籲，不過我怕去旺角「鳩嗚」會給驅趕，所以都係留晌安全地區「鳩嗚」了。

Mrsfancy Love Life 網頁之文章及相片內容，在未經 (本人Mrsfancy) 同意下，作出抄襲、複製及作為其他商業用途，如有發現定必以法律責任追究，敬請自重。