【頹】 GEG0177

01.01.2018 GEG0177

咁就 2018，時間快過穿梭機。

2017 嘅我好頹好宅，養生課程完結後繼續遊手好閒，沒事做，愛上打書釘打發時間，連電視也不願看，怕嘈！

自己嘅人生是否就這樣悠悠過去？

遇到少見嘅朋友問「最近忙緊乜？」腦子呆呆唔識答，如何跟對方講每日食完就瞓、瞓完又食，有點醜，確係幾頹廢，哈哈～

「最近忙緊乜」一直在腦中徘徊，對我呢個無家庭負擔嘅主婦係有啲衝擊。相熟醫生話：現在生活不好嗎，不用工作，當個靚太是多少女性夢想！但我就係有股危機感，終怕一日會糟嫌棄只會吃喝玩樂和攤大手板。

其實幾感受到現實嘅殘酷，心思思想工作，年屆中女卻不知能做什麼，有什麼選擇，自問放不下身段，服務性行業，唔受得氣。朋友邀請加入保險行列，不好吧，面皮薄怕考試。堪輿友人建議開Coffee Shop，但說我性格太完美，只怕研發咖啡資金會比賺咖啡貴。考慮過Freelancer，但不想做回設計工作。

以前會好介意別人眼光，人已退出江湖，唔再理會，遊戲人間更開心，相信呢世自己唯一成就係搵到個好老公。

人嘅一生都在高高低低中沉浮，杞人憂天不是我杯茶，新一年生活還要繼續，就算頹廢，都要頽得精彩，頹得有點突破。

Mrsfancy Love Life 網頁之文章及相片內容，在未經 (本人Mrsfancy) 同意下，作出抄襲、複製及作為其他商業用途，如有發現定必以法律責任追究，敬請自重。